Святочнае мерапрыемства, прысвечанае Году міру і стварэння пад назвай “Зямля пад белымі крыламі”

6 мая адбылося святочнае мерапрыемства, прысвечанае Году міру і стварэння пад назвай “Зямля пад белымі крыламі”, падрыхтаванае вучнямі Сямігосціцкай сярэдняй школы. Мерапрыемства прайшло ў Доме культуры, які змог умясціць усіх вучняў школы з 1 па 11 клас, іх бацькоў і настаўнікаў.
Гледачы пачулі пра прыродную прыгажосць роднага краю, узгадалі славутыя помнікі архітэктуры Беларусі, імёны выдатных дзеячаў, слухалі вершы вядомых паэтаў, якія ў сваіх творах праслаўлялі нашу краіну. Цікавай і змястоўнай была інсцэніроўка “Папараць-кветка” удзельнікаў літаратурна-драматычнага гуртка (кіраўнік Арлянін Я.Ф.). Узгадалі падзеі ВАв, ушанавалі памяць ахвяр Хвілінай маўчання і ўсклалі кветкі да Помніка загінуўным аднавяскоўцам у гады вайны.
Завяршылася мерапрыемства вясёлым танцам у выкананні вучняў 1-х классаў ў гонар мірнай і квітнеючай Беларусі.