“Таямніцы роднай мовы”
20.02.202121 лютага ва ўсім свеце адзначаецца Міжнародны дзень роднай мовы. Цяпер у нашым рознакаляровым і рознагалосым свеце налічваецца больш за шэсць тысяч моў. Адны з іх вабяць сваёй прыгажосцю і непаўторнасцю, другія - мілагучнасцю. Але ў кожнага чалавека ёсць толькі адна мова, якую ён лічыць роднай.
Пагавары са мной на мове,
На нашай роднай, не чужой.
Адчуеш ты – у кожным слове
Душа яднаецца з душой.
Аўтар гэтых задушэўных слоў – паэт Ігар Пракаповіч. У іх выказана бязмерная любоў да роднай мовы. Наша задача – берагчы мову, вывучаць, пашыраць сферу яе бытавання. Сёння мы правялі турнір, прысвечаны Тыдню беларускай мовы і літаратуры “Таямніцы роднай мовы”, у якім прымалі ўдзел 3 каманды вучняў 6 класаў. Дзеці мелі магчымасць паўтарыць правілы беларускай арфаграфіі, далучыцца да духоўных скарбаў свайго народа. Вучні ўспаміналі ўрыўкі вершаў аб роднай мове, удзельнічалі ў розных конкурсах, выконвалі цікавыя заданні.