“Афганістан – жывая памяць!”
15.02.202115 лютага ў Сямігосціцкай сярэдняй школе прайшлі мерапрыемствы, прысвечаныя вываду савецкіх войск з Афганістана. Напярэдадні Дня памяці традыцыйна вучні наведалі і павіншавалі воінаў – інтэрнацыяналістаў сваёй вёскі. Прыбралі магілулу загінуўшага воіна – інтэрнацыяналіста - Драпея Мікалая Пятровіча.
Пасля заняткаў прайшоў урачысты збор дружыны. Вучні ўшанавалі хвілінай маўчання памяць тых, хто з годнасцю выконваў свой воінскі абавязак.
Даведаліся, у якіх складаных умовах ваявалі нашы землякі, якім болем адгукваецца тая вайна ў іх сэрцах да нашых дзён.
Мы заўсёды захапляемся нязломнай воляй, цягай да жыцця і нястрымнай энергіяй нашых салдат.
Будзем жа памятаць загінуўшых і паважаць тых, хто застаўся ў жывых. Як вядома, войны не заканчваюцца тым момантам, калі змаўкае зброя. Яны працягваюцца ў душах тых, хто ў іх удзельнічаў. І вайна на афганскай зямлі - не выключэнне. Яна доўга яшчэ будзе нагадваць пра сябе, працягваючы жыць у кнігах, якія распавядаюць аб трагізме вайны і мужнасці простых салдат ...
Пасля збора дружыны быў арганізаваны адкрыты турнір па баскетболу ў гонар загінуўшага воіна – інтэрнацыяналіста Драпея Мікалая Пятровіча. Успаборніцтвах прымалі ўдзел тры каманды: каманда настаўнікаў, вучняў 11 і 10 класаў. Перамогу атрымала каманда вучняў 11 класа, другое месца атрымала каманда настаўнікаў,а трэцяе месца ўзяла каманда вучняў 10 класа.